Երեխա ժամանակից արել եմ այնպես, ինչպես ճիշտ եմ գտել՝ մինիմալ վնաս հասցնելով իր շրջապատին, թիմին, հիմա էլ՝ պետությանը։ Այս մասին այսօր՝ նոյեմբերի 26-ին, Աժ-ում լրագրողների հետ զրույցում նշեց ՔՊ-ական պատգամավոր Հովիկ Աղազարյանը:
Դիտարկմանը, որ եթե հիմա ինքը մանդատը դնի, չի ստացվի՞, որ վախեցավ, Աղազարյանն ասաց. «Շնորհակալություն հարցի համար, շատ կարևոր հարց էր, բայց ես չեմ պատասխանի»:
Նա ընդգծեց, որ մանդատը դնել-չդնելու իր որոշման վրա ամենաշատը ազդելու է ԱԺ նախագահ Ալեն Սիմոնյանը. «Ճշտող հարցին՝ դուք ավելի շատ Ալեն Սիմոնյանի խոսակցությունից եք որոշում կայացնելու, քան Նիկոլ Փաշինյանի՞, Աղազարյանն արձագանքեց. «Չէ, ընկերոջս, որ գալու է։ Այսօր երեկոյան կասի՝ երբ է գալու: Կարող է մի ամիս հետո գա, կարող է մի տարի հետո գա»:
