Էրդողանը հայտարարել է «Աքքույու» ատոմակայանու...

Թուրքիայում կառուցվող «Աքքույու» ԱԷԿ-ում միջուկային վառելիքի բեռնումը կիրականացվի ապրիլի 27-ին:

Ինչպես տեղեկացնում է  «Անադոլու» գործակալությունը, այս մասին հայտարարել է Թուրքիայի նախագահ Ռեջեփ Թայիփ Էրդողանը ՝ մարտի 29-ին  Անկարայում դիմելով Թուրքիայի իշխող «Արդարություն և զարգացում» կուսակցության խորհրդարանական խմբակցության անդամներին:

Էրդողանը հայտարարել է, որ ապրիլին Թուրքիայում կհայտարարվեն պաշտպանական արդյունաբերության ոլորտում բազմաթիվ խոշոր նախագծերի մասին:

«Աքքույու» ԱԷԿ-ում միջուկային վառելիքի բեռնումը կիրականացվի ապրիլի 27-ին: Այսպիսով, այդ օբյեկտը պաշտոնապես կընդգրկվի միջուկային ցուցակում։ Ապրիլին Թուրքիայում շահագործման կհանձնվի նաև  ռազմածովային ուժերի դրոշակակիրը ՝ Anadolu դեսանտային նավը։ Եվ սա պաշտպանական հաջողված նախագծերի միայն կարճ ցանկն է», - ասել է Էրդողանը: