Թուրքիայի նախագահ Ռեջեփ Թայիփ Էրդողանը հայտարարել է, որ ծրագրում է նոյեմբերի 8-ին այցելել Ադրբեջան։
Այս մասին Էրդողանը հայտնել է լրագրողների հետ զրույցում, որի մանրամասները ներկայացրել է թուրքական NTV հեռուստաալիքը։
«Եթե արտակարգ հանգամանքներ չառաջանան, մտադիր եմ նոյեմբերի 8-ին այցելել Ադրբեջան»,– հայտարարել է Թուրքիայի նախագահը։
Էրդողանն անդրադարձել է նաև թուրք-ադրբեջանական հարաբերություններին՝ ընդգծելով, որ դրանք դուրս են ավանդական դիվանագիտական շփումների շրջանակից։
«Թուրքիայի և Ադրբեջանի միջև հարաբերությունները շատ ավելին են, քան ավանդական դիվանագիտական շփումները։ Երկու երկրների անխզելի կապը մեր ընդհանուր պատմության, մշակույթի և ապագայի արդյունքն է։ Չկա որևէ խոչընդոտ, որը թուրք-ադրբեջանական եղբայրությունը չկարողանա հաղթահարել»,-ընդգծել է Էրդողանը։
