Թուրքիայի նախագահ Ռեջեփ Թայիփ Էրդողանը մայիսի 14-ին հանդիպում է ունեցել իշխող «Արդարություն և զարգացում» կուսակցության խորհրդարանական խմբակցության հետ, որի ժամանակ անդրադարձել է նաև Քուրդիստանի աշխատավորական կուսակցության (PKK) ինքնալուծարմանը:
Այս մասին հայտնում է թուրքական «Անադոլու» լրատվական գործակալությունը:
Էրդողանը հայտարարել է, որ Թուրքիայում ավարտվել է ահաբեկչության, զենքի, բռնության ու հանցագործության դարաշրջանը։
Նա հավելել է, որ այն բանից հետո, երբ PKK-ն հայտարարեց ինքնալուծարման և զենքերը վայր դնելու մասին, երկիրը մտավ ահաբեկչությունն արմատախիլ անելու և երկրում կայուն խաղաղության և անվտանգության հասնելու ջանքերի նոր փուլ։
«Չափազանց կարևոր է, որ ահաբեկչական կազմակերպության սիրիական և եվրոպական բջիջները ճանաչեն այս իրողությունը և միանան ցրման և զենքերը վայր դնելու գործընթացին», - ասել է Էրդողանը:
Ըստ Էրդողանը՝ PKK-ի լուծարման գործընթացի առանցքային կետը խոստումների կատարումն է։
Էրդողանն ընդգծել է, որ Թուրքիայի ազգային հետախուզական կազմակերպությունը (MIT) ուշադիր հետևելու է դրանց իրականացմանը։
