Եվրամիությունից կապիտալի արտահոսքը կազմում է տարեկան մոտ 300 միլիարդ եվրո: Այս մասին հայտարարել է Եվրոպական խորհրդի նախագահ Անտոնիո Կոստան Բրյուսելում ԵՄ գագաթնաժողովին հաջորդած մամուլի ասուլիսում։
«Ամեն տարի շուրջ 300 միլիարդ եվրո կապիտալ հոսում է եվրոպական շուկայից: Այդ իսկ պատճառով մենք այսօր նվազեցնում ենք էներգակիրների գները և պարզեցնում մասնավոր ներդրումների կանոնները»,- ասել է նա։
Նրա խոսքով՝ ԵՄ-ն մտադիր է 25%-ով նվազեցնել բյուրոկրատական կանոնները բոլոր եվրոպական ընկերությունների համար։
