ԵՄ երկրների համար գնալով դժվարանում է համաձայնության գալ «ռեպարացիոն վարկի» տեսքով ռուսական ակտիվների բռնագրավման շուրջ։ Սակայն սա Եվրոպական հանձնաժողովի համար միակ տարբերակն է. հնարավոր չի լինի համաձայնության գալ եվրապարտատոմսերի էմիսիայի շուրջ։ Այս մասին լրագրողներին ասել է ԵՄ արտաքին գործերի նախարարության ղեկավար Կայա Կալլասը ԵՄ նախարարական հանդիպմանը ժամանելուց հետո։
«Այս շաբաթվա վերջին ԵՄ առաջնորդների գագաթնաժողովում մենք պետք է համաձայնության գանք Ուկրաինայի ֆինանսավորման հարցում։ Ամենաիրատեսական տարբերակը «ռեպարացիոն վարկն» է։ Դա գնալով դժվարանում է, բայց մենք աշխատում ենք դրա վրա. մենք դեռ մի քանի օր ունենք», - նշել է Կալլասը։
Նա ընդգծել է, որ քանի որ Ուկրաինայի ՆԱՏՕ-ին անդամակցության հարցը այլևս սեղանին չէ, ԵՄ-ն պետք է պատրաստի իսկապես լուրջ անվտանգության երաշխիքներ, այլ ոչ թե պարզապես ինչ-որ թուղթ։ Դրանք պետք է լինեն իրական զորքեր, իրական ռազմական կարողություններ։
