ԵՄ երկրների ղեկավարները, բացառությամբ Հունգարիայի, ԱՄՆ նախագահ Դոնալդ Թրամփին կոչ են արել Ուկրաինայի հարցով բանակցություններ վարել «միայն զինադադարի կամ մարտական գործողությունների ինտենսիվությունը նվազեցնելու պայմաններում»։ Այս մասին ասվում է ԵՄ 27 երկրներից 26-ի ղեկավարների հայտարարության մեջ։
«Բովանդակային բանակցություններ կարող են տեղի ունենալ միայն զինադադարի կամ մարտական գործողությունների ինտենսիվության զգալի նվազեցման համատեքստում»,- ասվում է հայտարարության մեջ։ Այս արտահայտությունը բառացիորեն կրկնում է ԵՄ դիվանագիտական ծառայության ղեկավար Կայա Կալլասի կողմից նախկինում հրապարակայնորեն արտահայտած դիրքորոշումը՝ Ալյասկայում կայանալիք Ռուսաստան-ԱՄՆ գագաթնաժողովի համատեքստում, այսինքն՝ ԵՄ առաջնորդները պարզապես օգտագործել են եվրոպական դիվանագիտական ծառայության կողմից իրենց համար պատրաստված թեզը։
Հայտարարության վերջում, մանր տառերով, կա մի ծանոթագրություն, որ «Հունգարիան չի միացել այս հայտարարությանը»։
