Այստեղ առնվազն երկու կողմ կա, ովքեր շահագրգռված կամ չէին ցանկանա, որ Հայաստանում անցկացվեր այդ միջոցառումը: Լրագրողների հետ զրույցում ասաց ԱԺ «Հայաստան» խմբակցության պատգամավոր Արթուր Խաչատրյանը՝ պատասխանելով հարցին, թե ինչո՞ւ է Հայաստանը դիմել ԵԱՏՄ նիստը Երևանի փոխարեն Սանկտ Պետերբուրգում անցկացնելու խնդրանքով, թեև ԵԱՏՄ-ում նախագահողը Հայաստանն է։
«Իհարկե, առաջինը Հայաստանն է, քանի որ ՀՀ-ն վավերացրել է Հռոմի ստատուտը և պարտավորված է կատարել այն, ինչ պահանջված է։Օրինակ, երբ Ռուսաստանի նախագահը մեկնել էր Մոնղոլիա, Մոնղոլիան բավականաչափ մեծ ճնշման տակ հայտնվեց։ Հիմա Հայաստանի իշխանությունները, հավանաբար, չէին ցանկանա նման ճնշման տակ հայտնվել: Չեմ բացառում նաև, որ, հնարավոր է, նախաձեռնությունը հյուսիսից է եկել, որ ասել են՝ «դե դուք դա ընդունել եք, դուք էլ տակից դուրս եկեք»: ԵԱՏՄ միակ նախագահող երկիրն ենք, որտեղ երկու անգամ նիստը Երևանում չի կայանում: Նշանակում է, որ դու վստահելի չես։ Իսկ Հայաստանի տնտեսական կախվածությունը ԵԱՏՄ-ից, մասնավորապես ՌԴ-ից, երբեք այսքան մեծ չի եղել։ Դա էլ այս իշխանությունների ապիկար, անհեռատես տնտեսական քաղաքականության արդյունքն է»,- նշեց նա։
