Երևանի Սուրբ Աննա եկեղեցում ՀՀ վարչապետ Նիկոլ Փաշինյանի մասնակցությամբ տեղի ունեցած միջադեպի մասնակից 18–ամյա աշակերտ Դավիթ Մինասյանի գործով առաջին դատական նիստը հետաձգվել է։
Փաստաբան Լուսինե Մարտիրոսյանը հայտնել է, որ նիստը պետք է կայանար ապրիլի 28–ին, սակայն Դավիթի առողջական վիճակից ելնելով խնդրել են հետաձգել նիստի օրը։
Ըստ նրա, այժմ Մինասյանը շարունակում է գտնվել բժիշկների հսկողության տակ, այս ընթացքում նրա համար մի քանի անգամ շտապօգնություն են կանչել։
