Չինաստանի Ժողովրդական Հանրապետության Պետական խորհրդի նախկին վարչապետ Չժու Ժունցզին մահացել է 98 տարեկան հասակում՝ չորեքշաբթի օրը Պեկինում տեղական ժամանակով ժամը 11:06-ին հիվանդության հետևանքով, հայտնում է Սինհուան։
Չժու Ժունցզին զբաղեցրել է Չինաստանի կոմունիստական կուսակցության կենտրոնական կոմիտեի Քաղբյուրոյի մշտական հանձնաժողովի անդամի պաշտոնը 14-րդ և 15-րդ գումարումների ընթացքում։
Համատեղ նեկրոլոգը հրապարակվել է ՉԿԿ Կենտրոնական կոմիտեի, Չինաստանի Ժողովրդական ներկայացուցիչների համաչինական ժողովի մշտական հանձնաժողովի, ՉԺՀ Պետական խորհրդի և Չինաստանի Ժողովրդական քաղաքական խորհրդատվական խորհրդի համաչինական կոմիտեի կողմից։
Նեկրոլոգում նշվում է, որ Չժու Ժունցզին եղել է ՉԿԿ-ի ականավոր անդամ, կոմունիզմի իդեալների համար ժամանակի փորձությունն անցած հավատարիմ մարտիկ, ականավոր պրոլետարական հեղափոխական և քաղաքական գործիչ, ինչպես նաև կուսակցական և պետական ականավոր ղեկավար։
