Խորհրդային Միության փլուզումից հետո հողի սեփականատեր հանդիսացել է բացառապես Հայաստանի Հանրապետությունը և ՀՀ կառավարությունը և օրենսդիր մարմինն են որոշել, թե հողերի բաշխումը ոնց է տեղի ունենալու: Այս մասին, այսօր՝ հոկտեմբերի 28–ին, ԱԺ–ում լրագրողների հետ զրույցում նշեց Կադաստրի կոմիտեի նախագահ Սուրեն Թովմասյանը։
«Հովանավանքի և շենքի, և հողամասի վերաբերյալ եղել են կառավարության որոշումներ և բացառապես այդ որոշումներն են հիմք հանդիսացել, որ այդ անշարժ գույքը փոխանցվել է Հայ առաքելական սուրբ եկեղեցուն»,–ասաց նա։
Թովմասյանը չհիշեց, թե կոնկրետ Հովհաննավանքը ո՞ւմ սեփականությունն է՝ եկեղեցուն թե պետության, քանի որ հնարավոր է, օգտագործման իրավունքով է փոխանցված եկեղեցուն։
Նրա խոսքով, եկեղեցու տիրապետության տակ շուրջ 600 կամ 700 միավոր անշարժ գույք կա։
Հարցին՝ ազատվա՞ծ է Եկեղեցին գույքահարկից, Կադաստրի պետը պատասխանեց. «Ըստ օրենսդրության, առկա են եկեղեցապատկան այնպիսի օբյեկտներ, որոնք ազատված են գույքահարկից և հողի հարկից, բայց կան նաև այնպիսի գույքեր, որոնք որ վճարում են այդ հարկը»։
Նա խոստացավ պատասխաբնել Հովհաննավանքի սեփականության մասին հարցին, եթե դիմեն գրավոր։
