Օրերս կայացել է ՀՑԹԻ Հոգաբարձուների խորհրդի արտահերթ նիստը։
Հայոց ցեղասպանության թանգարան-ինստիտուտի փոխանցմամբ՝ Հոգաբարձուների խորհուրդն ընդունել է որոշում Հիմնադրամի տնօրենի ժամանակավոր պաշտոնակատարի պաշտոնին նշանակել Հրաչյա Թաշչյանին։
Վերջինս մարտի 13-ից անցել է իր պարտականությունների կատարմանը։
Հիշեցնենք, որ արդեն նախկին տնօրեն Էդիտա Գզոյանը ազատման դիմում էր գրել։ Վարչապետ Նիկոլ Փաշինյանը հայտարարել էր, որ իր ցուցումով է նա հեռացել աշխատանքից, քանի որ ԱՄՆ փոխնախագահին Արցախի վերաբերյալ գիրք է նվիրել։
