Բաքվի դատարանն օկուպացված Ստեփանակերտում իբր զինված սադրանք պլանավորելու համար Կարեն Ավանեսյանին դատապարտել է 16 տարվա ազատազրկման, հաղորդում են ադրբեջանական լրատվամիջոցները:
Հիշեցնենք, որ ադրբեջանական կողմը կեղծ քրեական գործ էր հարուցել Կարեն Ավանեսյանի նկատմամբ: Նա իբր սեպտեմբերի 14-ին ինքնաձիգով փորձել է մոտենալ Ստեփանակերտում անցկացվող միջոցառման վայր, հետո, իբր կրակ է բացել մոտեցող ոստիկանների ուղղությամբ, ապա նրանց վրա նետել ձեռքի 3 նռնակ:
