Այսօր Զարթոնք համայնքի արդեն նախկին համայնքապետ Պարույր Սարգսյանը կողմնակիցների հետ բողոքի ակցիա էր իրականացնում Արմավիրի մարզի ընդհանուր իրավասության դատարանի դիմաց ՝ պահանջելով ազատ արձակել Պարույր Սարգսյանի թոռանը՝ Նարեկ Մելքոնյանին, ով ձերբակալված է Զարթոնք գյուղում ապրիլի 13 –ին կրակոցներով ուղեկցված միջադեպի գործով:
Բողոքի ակցիային ներկա էին նաև բազմաթիվ դպրոցահասակ երեխաներ: Արմավիրի մարզպետարանի կրթության, մշակույթի և սպորտի վարչության պետի պաշտոնակատար Սոնյա Բուդաղյանը Politik.am-ի հետ զրույցում ասաց, որ իրենք տեղյակ են, որ աշակերտները ներկ են եղել բողոքի ակցիային.«Մենք կապի մեջ ենք դպրոցի տնօրենի՝ Հոռոմսիմ Սարգսյանի հետ (ով, ի դեպ, արդեն նախկին համյնքապետ Պարույր Սարգսյանի քույրն է. խմբ), հորդորել ենք, որ երեխաներին զերծ պահեն այս իրադարձություններից: Մնացածը գտնվում է իրավապահ մարմինների հսկողության տակ: Փոխմարզպետն էլ զրուցել է երեխաների և ծնողների հետ: Այո, այսօր դասապրոցեսը, այսպես ասած, տապալվել է, բայց վաղվանից շատ խիստ հսկողության տակ դասապրոցեսը վերականգնվելու է»:
