Հունվարի 13-ին, ժամը 12։35-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Այնթապ գյուղի 13-րդ փողոցի 18-րդ նրբանցքում գտնվող վագոն-տնակներից մեկում։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է վագոն-տնակում (մոտ 36 քմ):
Հրդեհը մեկուսացվել է ժամը 13։02-ին, մարվել՝ 13։32-ին: Վագոն-տնակի ներսում այրվել են կենցաղային իրեր և ջերմահարվել՝ առաստաղը (մոտ 36 քմ):
