ԲԴԽ որոշումը բացարձակապես իրավունք չի տալիս Ռուբիկ Մխիթարյանին այս գործը քննելու, ես վստահ եմ, որ նա ևս դա շատ լավ հասկանում է, բայց ԲԴԽ-ն է նման իրավիճակ ստեղծել: Այս մասին դատական նիստից հետո լրագրողների հետ զրույցում ասաց փաստաբան Երեմ Սարգսյանը: Հիշեցնենք, որ Աղվան Հովսեփյանի գործով վերաքննիչ դատարանի դատավոր Ռուբիկ Մխիթարյանը ինքնաբացարկ չհայտնեց:
Փաստաբանը նշեց, որ ԲԴԽ-ն անօրինական իրավաիճակի մեջ է դրել դատավորներին, ովքեր կատարում են ԲԴԽ-ի ցանկությունը։ «Այլ բան չէինք էլ սպասում»,-ասաց նա և նշեց, որ երբ իրենց պետք է լինում ձգձգում են նիստը, իսկ երբ պետք չի լինում հինգ րոպեում խորհրդակցական սենյակում որոշում են կայացնում։
