NASA-ն նախատեսում է «Արտեմիս» ծրագրի շրջանակում ստեղծել հսկայական լուսնային բազա, որը կարող է զբաղեցնել հարյուրավոր քառակուսի մղոն տարածք։ Բազան կառուցվելու է Լուսնի հարավային բևեռում և ներառելու է բնակելի հատվածներ, միջուկային ու արևային էներգիայի համակարգեր, ինչպես նաև գիտական հետազոտական կենտրոններ։
Ծրագրում կարևոր դեր կունենան MoonFall կոչվող փոքր «թռչկոտող» դրոնները, որոնք 2028-ից սկսած կուսումնասիրեն Լուսնի մակերեսը, կկատարեն քարտեզագրում և կօգնեն ընտրել ապագա բազայի տեղամասերը։ NASA-ն նաև մշակում է նոր լուսնագնացներ, որոնք կկարողանան աշխատել ինչպես ինքնավար ռեժիմով, այնպես էլ տիեզերագնացների հետ միասին։ NASA-ում ընդգծում են, որ ԱՄՆ-ի համար կարևոր է առաջինը ստեղծել մշտական լուսնային ներկայություն, քանի որ Չինաստանը ևս արագ առաջ է շարժվում իր լուսնային ծրագրերով։
