Առողջապահության համընդհանուր ապահովագրության համակարգի մասնակիցների համար տարեկան 1 անգամ ստուգումներ անցնելը, ըստ տարիքի և սեռի սքրինինգային հետազոտություններ անցնելը դառնալու է պարտադիր:
Այս մասին հայտնեց ՀՀ առողջապահության նախարար Անահիտ Ավանեսյանը վարչապետ Նիկոլ Փաշինյանի հետ աշխատանքային քննարկման շրջանակում:
Վարչապետը հետաքրքրվեց փաթեթի շրջանակում սքրինինգային ընդհանուր հետազոտությունների մասին:
Նախարարը կարևորեց հիվանդությունների կանխարգելումը:
«Տարեկան մեկ անգամ ստուգումներ անցնելը, նաև ըստ տարիքի և սեռի սքրինինգային ծրագիր անցնելը դառնալու է պարտադիր: Ապահովագրության փաթեթն ակտիվանալու է ամեն հաջորդ տարի, եթե նախորդ տարվա տվյալ անձի համար սահմանված փաթեթը նա անցել է: Եթե չի անցել, ապա կհերթագրվի, կգնա կանցնի, հետո նոր կակտիվանա հաջորդ տարվա փաթեթը»,-ասաց Ավանեսյանը:
