Առնվազն 2 համաշխարհային առաջնորդ գաղտնի բանակցել է ՌԴ նախագահ Վլադիմիր Պուտինի հետ. այս մասին հայտնել է Սերբիայի նախագահը՝ Ալեքսանդր Վուչիչը բլոգեր Մարիո Նաուֆալի հետ հարցազրույցում։
Նա մանրամասնել է, որ նրանցից մեկը Ավստրիայի նախկին կանցլեր Կառլ Նեհամերն է:
Միևնույն ժամանակ Վուչիչը հիշեցրել է, որ 2021 թվականի նոյեմբերից չի հանդիպել ՌԴ նախագահի հետ։
«Շատերը նրա հետ գաղտնի են խոսել: Եվ ես գիտեմ առնվազն երկու համաշխարհային առաջնորդի, որոնք գաղտնի զրուցել են Պուտինի հետ», - ասել է նա:
Ընդ որում, Վուչիչը հստակեցրել է, որ գաղտնի բանակցողները ո՛չ Հունգարիայի վարչապետ Վիկտոր Օրբանն է, ո՛չ Սլովակիայի վարչապետ Ռոբերտ Ֆիցոն: Այս առաջնորդները հրապարակավ աջակցել են ՌԴ նախագահին:
«Դա Օրբանն ու Ֆիցոն չեն, այլ շատ ուրիշները, այդ թվում՝ Նեհամերը»,- ասել է Վուչիչը։
