Իրանի արտաքին գործերի նախարար Սեյեդ Աբաս Արաղչին հերքել է լրատվամիջոցների կողմից տարածված տեղեկությունները, թե Թեհրանը գաղտնի մահապատժի է ենթարկել հազարավոր ցուցարարների՝ երկրում տեղի ունեցած վերջին անկարգությունների առնչությամբ։
Նախարարը նշել է, որ իր վերջին հոդվածում այդ լրատվամիջոցը՝ Նեթանյահուի Սպիտակ տուն այցից ընդամենը մեկ ժամ առաջ, հայտարարել էր, թե Իրանը «խաբել է» Թրամփին և պնդել էր, թե Թեհրանը դիմել է իրանցի ցուցարարների «մահապատժի»։
Բարձրաստիճան պաշտոնյան կատեգորիկ կերպով հերքել է այս պնդումը՝ հայտարարելով. «Փաստերը հետևյալն են. ոչ մի մահապատիժ տեղի չի ունեցել, դատական ոչ մի գործընթաց չի ավարտվել, և ավելի քան 2,000 բանտարկյալ ներում է ստացել»։
Իրանցի պաշտոնյաները նախազգուշացրել են, որ իսրայելական վարչակարգը փորձում է սաբոտաժի ենթարկել Իրան-ԱՄՆ բանակցությունները և ձգտում է տարածաշրջանը ներքաշել նոր պատերազմի մեջ։
«Նախքան մատուցվող թեզերին հավատալը, մտածեք, թե ով է շահում դրանից, և ով կարող է իրականում լինել խաբողը»,- ընդգծել է Արաղչին։
