Առաջիկա վեց ամիսների ընթացքում ԱՄՆ-ի տնտեսությունը կարող է բախվել դեֆլյացիայի։ Նման կարծիք է հայտնել Ark Invest-ի վերլուծաբան Քեթի Վուդը։
Նա նշել է, որ Դաշնային պահուստային համակարգը շուտով ստիպված կլինի հրաժարվել իր ագրեսիվ քաղաքականությունից։
«Մենք կարծում ենք, որ ինֆլյացիայի մակարդակը կլինի զարմանալիորեն ցածր։ Մենք չենք զարմանա, եթե հաջորդ վեց ամսվա ընթացքում մի քանի ամիս շարունակ տեսնենք ամսական դեֆլյացիա»,-ասել է Վուդը CNBC-ին տված հարցազրույցում։ «Ես կարծում եմ, որ նրանք չեն հասկանում, թե ինչպես է պահանջարկի ոչնչացում տեղի ունենում»,-հավելել է նա։
Նա նշել է էներգետիկ շուկաների անկումը։ Եվ չնայած ԴՊՀ պաշտոնյաները դեռեւս ագրեսիվ են տրամադրված սպառողական գների ինդեքսի եւ գործազրկության մակարդակի նկատմամբ, փորձագետները նշում են, որ այս թվերը հետ են մնում տնտեսության փաստացի ինֆլյացիայից։
