Երևանի առանձին հատվածներում մայիսի 11-ի երեկոյան ժամերին հնարավոր է կարճատև անձրև և ամպրոպ: Մայիսի 12-ի երեկոյան ժամերին, մայիսի 13-15-ը սպասվում է անձրև և ամպրոպ։ Ամպրոպի ժամանակ՝ քամու ուժգնացում՝ 13-15մ/վ արագությամբ։ Մայիսի 16-ին կլինի առանց տեղումների եղանակ:
Այս մասին տեղեկացնում է Հիդրոօդերևութաբանության և մոնիթորինգի կենտրոնը՝ նշելով, որ օդի ջերմաստիճանը մայիսի 13-ի և 14-ի ցերեկն աստիճանաբար կնվազի 8-10, մայիսի 15-ի և 16-ի գիշերը՝ ևս 4-5 աստիճանով։
Մարզերում մայիսի 11-ին կեսօրից հետո, մայիսի 12-ին գիշերը և կեսօրից հետո առանձին շրջաններում, մայիսի 13-15-ը ժամանակ առ ժամանակ շրջանների զգալի մասում սպասվում է անձրև և ամպրոպ, առանձին վայրերում հնարավոր է կարկուտ։ Մայիսի 14-16-ն առանձին հատվածներում հնարավոր է նաև մառախուղ։
Քամին՝ հարավարևմտյան 2-5 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:
Արցախում մայիսի 11-ին սպասվում է առանց տեղումների եղանակ, 12-ին՝ անձրև և ամպրոպ։
