Այսօր խորհրդարանում լրագրողների հետ ճեպազրույցում Ազգային ժողովի նախագահ Արարատ Միրզոյանը տեղեկացրեց, որ դեռ չի փակել իր ապառիկները. «Ապառիկներ, վարկեր ունեի ու հիմա էլ ունեմ։ Իմ հաշվին ԴԱՀԿ-ի կողմից կալանք էր դրվել, որովհետև մեքենան ոչ ճիշտ վայրում կայանելու համար տուգանքը չէինք վճարել ժամանակին։ Երբ ես ուզում էի այլ ապառիկով գնում կատարել, բանկը մերժել էր»։
Դիտարկմանը, թե ինչո՞ւ է հիմա ապառիկով գնում կատարում, այն դեպքում, երբ աշխատավարձն արդեն բարձր է, Միրզոյանը պատասխանեց, որ այդպես ավելի հարմար է.
«Աշխարհում մարդիկ այդպես են անում՝ կանխիկ գումարով գնում չեն կատարում և ապառիկ գնումն են նախընտրում։ Իսկապես այդպես հարմար է։ Նույն տրամաբանությամբ ես փորձում էի հեռուստացույց գնել։ Եթե ձեզ հետաքրքիր է, ասեմ, որ հեռուստացույցը, ի վերջո, ստիպված եղա կանխիկով գնել, տուգանքն էլ վճարել եմ, վարկային վատ պատմություն էլ չունեմ»։
