Պետդումայի՝ անօրինական միգրացիայի դեմ պայքարին ուղղված օրենքներն ուժի մեջ են մտել եւ արդեն զգալիորեն փոխում են իրավիճակն այս ոլորտում, լրագրողներին ասել է Պետդումայի նախագահ Վյաչեսլավ Վոլոդինը, հաղորդել է «ՌԻԱ Նովոստի»-ն։ «Իրավիճակը զգալիորեն փոխվել է անօրինական միգրացիայի դեմ պայքարի առումով։ Բոլոր օրենքներն ուժի մեջ են մտել։ Մենք պետք է արժանին մատուցենք Քննչական կոմիտեին, ներքին գործերի նախարարությանը եւ գլխավոր դատախազությանը՝ նրանք օրենքի տառին հավատարիմ են, ինչը գործում է»,- ասել է Վոլոդինը։ Նա հիշեցրել է, որ 2024-ից ի վեր Պետդուման ընդունել է անօրինական միգրացիայի դեմ պայքարին ուղղված 16 օրենք, որոնք դարձել են իրավապահ մարմինների աշխատանքի հիմքը։ Վոլոդինն ընդգծել է, որ նորամուծությունների մեծ մասի նախաձեռնողները Պետդումայի պատգամավորներն են եղել։
