Ամերիկացի դեմոկրատ սենատոր Էլիզաբեթ Ուորենը ասել է, որ դեմ է լինելու ԱՄՆ նախագահ Դոնալդ Թրամփի՝ կրթության նախարարությունը վերացնելու ջանքերին և դրա համար սկսում է «Փրկենք մեր դպրոցները» արշավը:
«Դաշնային կառավարությունը ներդրումներ է կատարել մեր հանրակրթական դպրոցներում: «Դա վերցնելը մեր երեխաներից, որպեսզի մի բուռ միլիարդատերեր էլ ավելի հարստանան, ուղղակի սարսափելի է, և ես դրա դեմ պայքարելու եմ այն ամենով, ինչ ունեմ», - ասաց նա ABC News-ին:
Օրենսդիրի խոսքով՝ իր ռազմավարությունն է հնարավորինս շատ մարդկանց ուշադրությունը գրավել կրթական համակարգի բարեփոխման խնդրի վրա։ Այս նպատակին հասնելու համար նա մտադիր է նաև դաշնային հետաքննություններ սկսել և դատական հայցեր ներկայացնել:
Մարտի 20-ին Թրամփը գործադիր հրաման է ստորագրել կրթության նախարարության լուծարումը սկսելու մասին։ Նա ասել է, որ թեև «ԱՄՆ-ն ավելի շատ գումար է ծախսում կրթության վրա, քան ցանկացած այլ երկիր», այն «հաջողության առումով ցուցակի վերջին տեղում է»։
