Վիրջինիա նահանգում հարուստների համար միջուկային պատերազմի դեպքում պատսպարվելու համար ստորգետնյա միջուկային բունկեր կկառուցվի՝ շքեղ բնակարաններով, գուրման ռեստորաններով և լողավազանով։ Այս մասին հայտնում է Daily Mail թերթը։
Դա աշխարհի ամենահարուստ 625 մարդկանց համար «դատաստանի օրվա շքեղ ամրոց է»: Բացի լողավազաններից և դյութիչ սյուիտներից, 300 միլիոն դոլար արժողությամբ համալիրի բնակիչները մուտք կունենան արհեստական ինտելեկտով աշխատող առաջադեմ առողջապահական համակարգ: Նրանց համար կան հիանալի ճաշարաններ, բոուլինգի սրահ և ժայռամագլցման պատ:
Շինարարական ծրագրերը, որոնք նախատեսվում է ավարտել 2026 թվականին, հրապարակել է SAFE-ը, ասվում է հոդվածում։ Ասվում է, որ «Aerie» (Արծվի բույն) անվանումը ստացած բունկերը «հաճախորդներին հնարավորություն է տալիս գոյատևել Երկրի վրա աղետից, թեև նրանք ստիպված կլինեն յուրաքանչյուրը ծախսել 20 միլիոն դոլար»:
Հաստատությունը կգտնվի Վաշինգտոնին համեմատաբար մոտ: Սակայն, նախագծի հեղինակները պնդում են, որ այս վայրը ամենևին էլ ոգեշնչված չէ համաշխարհային լարվածությամբ և երրորդ համաշխարհային պատերազմի վախերով։ Պարբերականը հիշեցրել է, որ Արծվի բույնը միակ ապաստարանը չէ, որը կառուցում կամ արդեն կառուցել են մոլորակի գերհարուստները՝ համաշխարհային աղետի դեպքում։
