ԱՄՆ Սենատը պատրաստ կլինի հուլիսի 7-ին քննարկել Ռուսաստանի դեմ պատժամիջոցներ կիրառող օրինագիծը, ABC-ի եթերում հայտարարել է կոնգրեսական Լինդսի Գրեհեմը (որը Ռուսաստանում համարվում է ահաբեկիչ և ծայրահեղական):
Նրա խոսքով՝ Սենատը պատրաստ կլինի քննարկել Ռուսաստանի դեմ նոր պատժամիջոցների մասին օրինագիծը հուլիսի 7-ին, երբ սենատորները վերադառնան հունիսյան արձակուրդից, հաղորդում է BBC-ն: «Մենք կառաջարկենք օրինագիծը, և մեզ թույլատրվում է դա անել Սենատի հուլիսյան արձակուրդից հետո առաջին օրը», - ասել է Գրեհեմը:
Նրա խոսքով՝ շաբաթ ԱՄՆ նախագահ Դոնալդ Թրամփը անձամբ գոլֆի խաղի ժամանակ իրեն ասել է, որ «ժամանակն է առաջ մղել օրինագիծը»:
«Եթե դուք ապրանքներ գնեք Ռուսաստանից և չօգնեք Ուկրաինային, ԱՄՆ-ին մատակարարվող ձեր ապրանքները կենթարկվեն 500% մաքսատուրքի: Հնդկաստանը և Չինաստանը գնում են ռուսական նավթի 70%-ը: Նախագահը կկարողանա մաքսատուրքեր սահմանել Չինաստանի, Հնդկաստանի և այլ երկրների նկատմամբ», - ասել է Գրեհեմը՝ մեկնաբանելով օրինագծում ներառված պատժամիջոցները:
Թրամփը նախկինում հայտարարել էր, որ «գոհ չէ Պուտինի արածից» և «անվերապահորեն» քննարկում է Ռուսաստանի դեմ ավելի խիստ պատժամիջոցները։
Հունիսի կեսերին ԱՄՆ նախագահը հայտարարել էր, որ Վաշինգտոնը նոր պատժամիջոցներ չի սահմանում Մոսկվայի դեմ՝ հույս ունենալով համաձայնության գալ ռուս-ուկրաինական հակամարտության խաղաղ կարգավորման շուրջ։
