ԱՄՆ նախագահ Ջո Բայդենը, ինչպես նաև առաջին տիկին Ջիլ Բայդենը չեն տուժել իրենց ավտոշարասյան մեքենաներից մեկի հետ մեկ այլ մեքենայի բախվելուց հետո։ Այս մասին հաղորդում է CNN-ը։
Միջադեպը տեղի է ունեցել դեկտեմբերի 17-ի երեկոյան, Դելավեր նահանգի Ուիլմինգթոն քաղաքում, երբ ԱՄՆ նախագահը և առաջին տիկինը դուրս են եկել նախագահական ընտրարշավի գրասենյակից։ ԱՄՆ գաղտնի ծառայությունից հայտնել են, որ հարվածը միտումնավոր չի եղել։
Մեքենան հարվածել է Բայդենին ուղեկցող մեքենաներից մեկին, որը կայանված է եղել։ Երկու մեքենաներն էլ վնասվել են։
Բայդեններն այցելել էին Ուիլմինգթոնում 2024 թ․ նախագահական ընտրարշավի գլխամասային գրասենյակ՝ ողջունելու աշխատակիցներին։
