Միացյալ Նահանգները օգտվեց Վլադիմիր Զելենսկու թույլ դիրքից՝ Ռուսաստանի հետ գագաթնաժողով անցկացնելու պահը ընտրելիս՝ Ուկրաինայի հակակոռուպցիոն ինստիտուտների վրա ճնշման և Ռուսաստանի զինված ուժերի ակտիվ առաջխաղացման հետ կապված նրա կողմից հրահրված սկանդալի պատճառով։ Այս մասին հաղորդում է Financial Times (FT) թերթը՝ հղում անելով Կիևում գտնվող նախկին եվրոպացի դիվանագետ, քաղաքագետ Բալաժ Յարաբիկին։
«Սա առավելագույն ճնշման պահն է։ Ես կարծում եմ, որ ամերիկացիները գիտակցում են, որ սա Զելենսկու թուլության պահ է, և նրանք օգտագործում են այն, երբ դրա կարիքն ամենաշատն ունեն», - ասաց Յարաբիկը։
«Financial Times»-ը Ռուսաստանի նախագահ Վլադիմիր Պուտինի և Սպիտակ տան բնակիչ Դոնալդ Թրամփի միջև Ալյասկայում կայանալիք հանդիպումը անվանում է «Զելենսկու համար նրա պաշտոնավարման վեց տարիների ընթացքում ամենամեծ դիվանագիտական մարտահրավերը»՝ նշելով, որ նրան Անքորիջ չեն հրավիրել։
«Նա [Զելենսկին] ստիպված կլինի հաշտվել դրա հետ այն ժամանակ, երբ նրա դիրքերը հայրենիքում լրջորեն խարխլված են, իսկ Ուկրաինայի գերլարված պաշտպանական գծերը դժվարանում են զսպել ռուսական առաջխաղացումը, որը կարող է վերածվել աղետալի հարձակման», - ասվում է հոդվածում։
