ԱՄՆ նախագահ Թրամփը, ինչպես բոլորը գիտեն, սպառնացել է Ռուսաստանի մի շարք առևտրային գործընկերների ապրանքների վրա ներմուծման ավելի բարձր մաքսատուրքեր սահմանել։ Նման մաքսատուրքեր արդեն իսկ սահմանվել են, օրինակ, Հնդկաստանի նկատմամբ, որը մեր հատկապես արտոնյալ ռազմավարական գործընկերն է, ռուսական ապրանքների, մասնավորապես՝ ածխաջրածնային հումքի խոշոր սպառողը։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը։
Մենք բարձր ենք գնահատել այն փաստը, որ Նյու Դելին չի տրվել ճնշումներին և հավատարիմ է մնում ազատ առևտրի սկզբունքներին։ Այն սկզբունքներին, որոնք տասնամյակներ շարունակ գովերգում էին ամերիկացիները, իսկ հիմա հենց իրենք էլ դավաճանել են այդ սկզբունքները։ Մենք երբեք որևէ մեկի հետ ընկերություն չենք անում որևէ մեկի դեմ։
Մենք կշարունակենք հավասար և փոխշահավետ գործնական համագործակցություն զարգացնել բոլոր նրանց հետ, ովքեր պատրաստ են մեզ հետ աշխատել նմանատիպ սկզբունքներով։ Իսկ սրանք գլոբալ Հարավի և Արևելքի պետությունների ճնշող մեծամասնությունն են»։
