Հունվարի 27-ին Ադրբեջանի նախագահ Իլհամ Ալիևը դատապարտել է զինված հարձակումը Թեհրանում Ադրբեջանի դեսպանատան վրա՝ այն որակելով որպես ահաբեկչություն։
«Ես խստորեն դատապարտում եմ այսօր Թեհրանում մեր դեսպանատան դեմ կատարված ահաբեկչական գործողությունը։ Մենք պահանջում ենք այս ահաբեկչության արագ հետաքննությունը և ահաբեկիչների պատիժը։ Դիվանագիտական ներկայացուցչությունների վրա ահաբեկչությունն անընդունելի է»,- գրել է Ալիևը Twitter-ում:
Հայտնի է նաև, որ Ադրբեջանը նախապատրաստում է Իրանում դեսպանատան աշխատակիցների տարհանումը։
