Ադրբեջանի դեմ տարածքային պահանջները պետք է հանվեն Հայաստանի Սահմանադրությունից. այս մասին ասել է Ադրբեջանի նախագահ Իլհամ Ալիևի օգնական Հիքմեթ Հաջիևը:
Որպես օրինակ նա բերել է Իռլանդիայի և Հյուսիսային Իռլանդիայի օրինակը:
«Նման բան գործնականում արդեն եղել է, Հյուսիսային Իռլանդիայի հետ կապված փոփոխություններ են կատարվել Իռլանդիայի Հանրապետության Սահմանադրության մեջ: Իռլանդիան պարտավորվել է փոփոխել իր սահմանադրությունը և ճանաչել Մեծ Բրիտանիայի լիակատար ինքնիշխանությունը Հյուսիսային Իռլանդիայի նկատմամբ», - ասել է Հաջիևը:
