Ե․ Վ. Լիմոնովի «Մեկ այլ Ռուսաստան» ազգային բոլշևիկյան կուսակցության անդամները Սանկտ Պետերբուրգում Ադրբեջանի հյուպատոսության մոտ ուղիղ գործողության ակցիա են անցկացրել։
Բողոքի ակցիայի մասնակիցները կարողացել են կարդալ մանիֆեստը.
«Ալիև, մի՛ զայրացրու Ռուսաստանին։
Ադրբեջանի նախագահ Ալիևը որոշել է խաղալ ռուսաֆոբիայի հետ։ Նա սիրով ընկերանում է Կիևի հանցավոր ռեժիմի հետ, օգնում է նրան ռազմական և քաղաքացիական մատակարարումներով և հավանություն է տալիս Ռուսաստանի հետ պատերազմին։ Մյուս օրը նա շնորհավորել է արյունոտ ծաղրածու Զելենսկուն՝ Անկախության օրվա կապակցությամբ։ Ալիևը փակել է Բաքվի Ռուսական տունը, բանտ նետել ռուս լրագրողներին և լռեցրեկ նրանց, ովքեր ցանկանում են բարեկամանալ մեր երկրի հետ։
Միաժամանակ, Բաքուն հսկայական գումարներ է ստանում սփյուռքից, այստեղ ապրում և գումար են վաստակում հարյուր հազարավոր ադրբեջանցիներ և միլիարդատերերի ցանկը լի է նրանցով։ Ալիևը կարծում է, որ հնարավոր է սնվել Ռուսաստանից և միաժամանակ վնաս հասցնել նրան։ Դա չի աշխատի։
Մենք պահանջում ենք Ադրբեջանի իշխանություններից.
- դադարեցնել Կիևի խունտային տրամադրվող աջակցությունը,
- ազատ արձակել քաղբանտարկյալներին՝ լրագրողներ Իգոր Կարտավիխին, Եվգենի Բելոուսովին, քաղաքագետ Նազաքեթ Մամեդովային, Եվրասիական շարժման ակտիվիստներ Իբրագիմ Հասանովին, Իբրագիմ Գումբատովին և ուրիշներին,
- բացել Ռուսական տուն, մի՛ խանգարեք Ռուսաստանի մշակութային և կրթական գործունեությանը։
Ռուսոֆոբիան հիվանդություն է։ Բժիշկ կանչելու ժամանակն է»։
Ոստիկանության աշխատակիցները բերման են ենթարկել երեք ցուցարարների, իսկ հետո ազատ են արձակել նրանց։
