Հունգարիայի վարչապետ Վիկտոր Օրբանը հայտարարել է, որ Ուկրաինան չի կարող հաղթել մարտի դաշտում, ուստի Եվրամիությունը պետք է փոխի իր ռազմավարությունը և «պլան Բ» պատրաստի: Այս մասին հայտնում է Reuters-ը։
Հունգարիայի պետական ռադիոյին տված հարցազրույցում, որն Օրբանը տվել է Բրյուսելում, որտեղ նա եկել էր ԵՄ գագաթնաժողովին, նա ասել է, որ Ուկրաինայում պատերազմի հարցում ԵՄ ռազմավարությունը «ձախողվել է»:
«Այսօր բոլորը գիտեն, բայց չեն համարձակվում բարձրաձայն ասել, որ այս ռազմավարությունը ձախողվել է։ Ակնհայտ է, որ սա չի աշխատի: Ուկրաինացիները մարտի դաշտում չեն հաղթի»,- ասել է նա։
Միևնույն ժամանակ, Օրբանն ասել է, որ պատճառ չի տեսնում հունգարացի հարկատուների գումարները ծախսելու Ուկրաինային օգնելու համար։
