Իրականում Հայաստանը շահագրգռված է որևէ անաչառ, չեզոք միջնորդությամբ: Մենք բարձր ենք գնահատում բոլոր ջանքերը, որոնք այս նպատակներով, մղումներից ելնելով արվում են: Բազմաթիվ կարևոր հանդիպումներ են տեղի ունենում Բրյուսելում՝ նախագահ Միշելի միջնորդությամբ:
Այս մասին այսօր Բելգիայի արտաքին գործերի նախարար Հաջա Լահբիբի հետ հանդիպումից հետո ասուլիսի ժամանակ ասաց ՀՀ ԱԳ նախարար Արարատ Միրզոյանը:
«Մինչ այժմ չենք տեսնում ՀՀ տարածքային ամբողջականության վերաբերյալ Ադրբեջանի ղեկավարության հրապարակային խոսքերը, մինչդեռ այդպիսի խոսքեր եղել են փակ հանդիպումների ժամանակ: Սա մեզ համար խիստ մտահոգիչ է և կարող է վկայել այն մասին, որ Ադրբեջանը տարածքային հավակնություններ ունի ՀՀ-ից»։
