Ադրբեջանում ոստիկանները ուժ են կիրառել բնապահպանական ակցիայի մասնակիցների նկատմամբ։
Ըստ սոցցանցերի տեղեկությունների՝ ոստիկանությունը նույնիսկ արցունքաբեր գազ է կիրառել։
Սակայն լրատվամիջոցները մեծ մասամբ հրապարակում են ՆԳՆ պաշտոնական հաղորդագրությունը։ Դրանում ասվում է, որ հունիսի 20-ին Գեդաբեյի շրջանի Սեյուդլու գյուղում «մի խումբ մարդիկ ապօրինի միջամտել են գյուղի տարածքում արհեստական լճի կառուցմանը»։
«Չնայած բազմաթիվ զգուշացումներին ու բացատրական զրույցներին, նրանք հավաքվել են նշված տարածքում։ Ձեռնարկված միջոցառումներով անօրինական ակցիայի մասնակիցները հեռացվել են տարածքից։ Ինչ վերաբերում է տեսագրություններին, ոստիկանության աշխատակցի կողմից կանանցից մեկի վրա արցունքաբեր գազ կիրառելու կապակցությամբ շրջան է գործուղվել ՆԳՆ-ի աշխատակիցների խումբ։ Փաստի առթիվ կատարվում է ծառայողական ստուգում»,- նշված է հաղորդագրության մեջ։
