Այս տարվա հունվար-հունիս ամիսներին՝ Ադրբեջանը Հայաստան է արտահանել 17 միլիոն 128 հազար 640 դոլարի ապրանք։ Այս մասին հայտնում է Ադրբեջանի Պետական մաքսային կոմիտեն։ Համաձայն հրապարակված վիճակագրության, Հայաստանից Ադրբեջան միջնորդավորված ներկրումների արժեքը կազմել է 960 դոլար։ Հաշվետու ժամանակահատվածում Ադրբեջանի արտաքին առեւտրային շրջանառությունը կազմել է ավելի քան 24,6 միլիարդ դոլար։ Արտահանումը կազմել է ավելի քան 16,3 միլիարդ դոլար, ներկրումը՝ ավելի քան 8,3 միլիարդ դոլար։
