Ադրբեջանի և Հայաստանի արտգործնախարարները կարող են հանդիպել պետական սահմանին. Ինչպես հաղորդում է ԱՊԱ-ն, այս մասին հայտարարել է Ադրբեջանի արտգործնախարար Ջեյհուն Բայրամովը՝ ելույթ ունենալով նախարարության տարեվերջյան ճեպազրույցում։
«Ադրբեջանի և Հայաստանի միջև բանակցությունները չպետք է դառնան երրորդ կողմի պատանդը», - ասել է Բայրամովը։ Նախարարը նշել է, որ Ադրբեջանի և Հայաստանի արտգործնախարարներն ու պատվիրակությունները կարող են հանդիպել պետական սահմանին։ Նման առաջարկ է արել Ադրբեջանը։ Արտգործնախարարը հիշեցրել է, որ երկու երկրների սահմանազատման հանձնաժողովներն արդեն երկու անգամ հանդիպել են սահմանին։
