Այս պահին Ադրբեջանի դեմ ԵՄ հնարավոր պատժամիջոցների վերաբերյալ որոշումներ չկան, իրավիճակը գնահատվում է․ այս մասին Բրյուսելում կայացած ճեպազրույցում ասել է ԵՄ արտաքին քաղաքականության ծառայության պաշտոնական ներկայացուցիչ Փիթեր Ստանոն։
Ավելի վաղ Եվրախորհրդարանի անդամները կոչ էին արել ԵՄ-ին պատժամիջոցներ կիրառել Բաքվի դեմ՝ կապված Ղարաբաղում տիրող իրավիճակի հետ.
«Ցանկացած պատժամիջոցներ ընդունվում են անդամ երկրների կողմից, հիմա գնահատական պետք է լինի, թե ինչ է կատարվում Լեռնային Ղարաբաղում»,- ասված է հայտարարության մեջ։
