Բոսնիա եւ Հերցեգովինայում Ադրբեջանի դեսպան Վիլայաթ Ղուլիեւը պատմել է ռամիլ սաֆարովի արտահանձնման գործարքի մանրամասների մասին։
«ռամիլ սաֆարովի արտահանձնման ժամանակ, որն իրականացվել է գաղտնիության պայմաններում, պետական գաղտնիք կազմող որեւէ բան չի եղել։ Պարզապես երկու բարեկամական երկրների ղեկավարները՝ նախագահ Իլհամ Ալիեւը եւ Հունգարիայի վարչապետ Վիկտոր Օրբան,ը միջազգային կոնվենցիայի հիման վրա, որն ընդունվել է Եվրոպայի խորհրդի կողմից, հայրենիք վերադարձրին ադրբեջանցի սպային, որը բանտարկված էր Բուդապեշտում։ Իսկ այստեղ նա արժանացավ ներման պետության ղեկավարի կարգադրությամբ՝ այն բանի համար, որ պատժի մի մասը կրել էր»,- տեղեկացրել է Ղուլիեւը APA-ի հարցազրույցում։
Դեսպանը նշել է, որ դա «մարդկայնության եւ վեհանձնության ակտ էր» երկու կողմից. «Ոչ մի գաղտնի գործարք չի եղել, չէր կարող լինել, ինչպես գրում էր մեր ընդդիմադիր մամուլը իրադարձությունների թեժ հետքերով։ Ես կարող եմ ասել սա լիակատար համոզվածությամբ, քանի որ անմիջական մասնակցություն եմ ունեցել այդ գործընթացին։ Արտահանձնման ավարտից շատ չանցած Հեյդար Ալիեւի ֆոնդը, ի նշան մեր ժողովրդի երախտագիտության բարեկամ հունգար ժողովրդին, Բուդապեշտի XII շրջանում կառուցեց դպրոց-հանրակացարանի շենք տեսողական խնդիրներ ունեցող երեխաների համար։ Մեր դեսպանությունն ստանձնեց դպրոց-հանրակացարանի խնամատարությունը։ Այդ ավանդույթը շարունակվում է նաեւ այսօր»։
