Ադրբեջանական կողմից ապրիլի 8-ին ժամը 22.50-ի սահմաններում հրաձգային զենքից արձակված անկանոն և ոչ նպատակային կրակի հետևանքով վնասվել են Սյունիքի մարզի Տեղ գյուղի տներից մեկի տանիքը և պատուհանը։
Այս մասին հայտնում են Հայաստանի Հանրապետության ներքին գործերի նախարարությունից, ընդգծելով, որ կրակոցների պատճառով Տեղ գյուղի բնակիչներին այլ վնասներ չեն հասցվել։
ՆԳՆ ոստիկանությունը ձեռնարկում է օրենքով նախատեսված գործողություններ, ինչից հետո փաստաթղթերը կներկայացվեն Քննչական կոմիտե:
