«Արցախի համար նախատեսված հումանիտար բեռը գրեթե 20 ժամ է, ինչ Կոռնիձորի սահմանային հատվածում է։ Եվ այս պահին մենք որևէ արձագանք դեռ չենք ստացել, սպասում ենք արձագանքի»,- լրագրողների հետ ճեպազրույցում ասաց Արցախում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
Ասաց, որ սահմանված կարգով և օղակներով դիմել են և՛ Ռուսաստանի Դաշնության խաղաղապահ ուժերին, և՛ ադրբեջանական կողմին, բայց քար լռություն է, դեռ պատասխան չկա։
Նշենք, որ ՀՀ կառավարությունը 361 տոննա հումանիտար օգնություն է ուղարկել Արցախ, որը ներառում է շաքարավազ, ձեթ, ալյուր, մակարոնեղեն, մանկական սնունդ, աղ, կաթի փոշի և դեղորայք։ Մեքենաները կանգնած են Հակարիի կամրջից քիչ հեռու։ Ադրբեջանը հրաժարվում է բեռների մուտքն Արցախ թույլատրել։
Մանրամասն՝ տեսանյութում։
