Ուկրաինայի նախագահ Վլադիմիր Զելենսկին մտածում է 2025 թվականին նախագահական ընտրություններ անցկացնելու մասին՝ իր իշխանությունն ամրապնդելու համար, The Economist-ին հայտնել են խնդրին ծանոթ մարդիկ։
Նրանց խոսքով՝ ներկայումս շատ բանավեճ է ընթանում ընտրություններում Զելենսկու հավանական մրցակիցների մասին։ Սա ներառում է Վալերի Զալուժնիի անունը, որին նախագահն ազատել էր Ուկրաինայի Զինված ուժերի (ՀՈՒՀ) գլխավոր հրամանատարի պաշտոնից 2024 թվականի փետրվարին։
Միևնույն ժամանակ, ինչպես նշում է The Economist-ը՝ վկայակոչելով հասարակական կարծիքի հարցումները, ուկրաինացիները դրական են վերաբերվում նախկին զինվորականին պետության նոր ղեկավար ընտրելու գաղափարին։
Ամերիկյան Ազգային դեմոկրատական ինստիտուտի տվյալներով՝ ուկրաինացիների վստահությունը գործող նախագահի նկատմամբ 2023 թվականի մայիսի 80 տոկոսից 2024 թվականին ընկել է 45 տոկոսի։ Կառավարության նկատմամբ վստահությունն ընդհանուր առմամբ է՛լ ավելի է նվազել. «Քաղաքական գործընթացը հաստատ սկսվել է», - The Economist-ին ասել է Ուկրաինայի նախկին վարչապետ Յուլիա Տիմոշենկոն, ով երեք անգամ առաջադրվել է երկրի նախագահի պաշտոնի համար։
Զելենսկու պաշտոնավարման հնգամյա ժամկետը լրացել է 2024 թվականի մայիսի 20-ին։ Ուկրաինայում նախագահական ընտրությունները պետք է կայանային մարտին, սակայն դրանք չկայացան, քանի որ երկրում ռազմական դրություն էր։
Մինչ այս Զելենսկին հայտարարել էր, որ երկրում նախագահական ընտրությունները «ժամանակին չէին»։ Նրա խոսքով՝ դրանք ձեռնտու են միայն Ռուսաստանին։ «Մենք պետք է որոշենք, որ հիմա պաշտպանության ժամանակն է, ճակատամարտի ժամանակը, որից կախված է պետության և ժողովրդի ճակատագիրը, և ոչ թե լցոնման ժամանակը, որը միայն Ռուսաստանը ակնկալում է Ուկրաինայից», - ասել է Զելենսկին 2023 թվականի նոյեմբերին։
Միաժամանակ նա նշել է, որ չէր առաջադրվի երկրորդ նախագահական ժամկետի համար, եթե ռազմական հակամարտությունն ավարտվեր։ «Պատերազմի ժամանակ ես չեմ կարող փախչել»,- պարզաբանել է Ուկրաինայի ղեկավարը։
