Ուկրաինայի նախագահ Վլադիմիր Զելենսկին, ով ժամանել է Բրյուսել՝ պաշտպանության հարցերով ԵՄ առաջնորդների արտակարգ գագաթնաժողովին, շնորհակալություն է հայտնել եվրոպացի առաջնորդներին աջակցության համար, գրում է The Guardian-ը։
«Հրաշալի է, որ մենք մենակ չենք», - ասել է Զելենսկին։
Նա նշել է, որ տեսել է «պատերազմի հենց սկզբից և... այս ընթացքում և անցած շաբաթվա ընթացքում, որ դուք մնացել եք մեզ հետ»։
«Շատ շնորհակալ ենք, որ մենակ չենք։ Եվ սրանք միայն խոսքեր չեն։ Մենք դա զգում ենք։ Շատ կարևոր է, որ դուք (ուղարկեցիք) ուժեղ ազդանշան ուկրաինացի ժողովրդին, ուկրաինացի զինվորներին, խաղաղ բնակիչներին, մեր բոլորի ընտանիքներին։ Եվ հիանալի է, որ մենք մենակ չենք»,- ասել է Ուկրաինայի նախագահը։
Հիշեցնենք, որ այսօր՝ մարտի 6-ին, Բրյուսելում մեկնարկել է ԵՄ առաջնորդների արտակարգ գագաթնաժողովը պաշտպանության և Ուկրաինայի հարցերով։
Գերմանիայի հաջորդ կանցլեր Ֆրիդրիխ Մերցը և գագաթնաժողովի նախագահ Անտոնիո Կոստան արդեն քննարկել են կարճ ժամանակում Եվրոպայի պաշտպանական կարողությունները ուժեղացնելու ուղիները Բրյուսելում նախաճաշի ժամանակ:
Այս շաբաթ Մերցը ներկայացրել է ազգային պարտքի կանոնները թուլացնելու ծրագրեր՝ թույլ տալով ավելի շատ պաշտպանական ծախսեր:
Միևնույն ժամանակ, 27 երկրների դաշինքն արթնացել է լուրից, որ Ֆրանսիայի նախագահ Էմանուել Մակրոնը ԵՄ առաջնորդների հետ կքննարկի Ֆրանսիայի միջուկային զսպիչ միջոցների օգտագործման հնարավորությունը «մայրցամաքը ռուսական սպառնալիքներից պաշտպանելու համար»:
Գագաթնաժողովին մասնակցում է Ուկրաինայի նախագահ Վլադիմիր Զելենսկին։ Եվրահանձնաժողովի նախագահ Ուրսուլա ֆոն դեր Լայենն առաջարկել է բյուջեի կանոնները թուլացնելու ծրագիր, որպեսզի այն երկրները, որոնք ցանկանում են, կարողանան շատ ավելին ծախսել պաշտպանության վրա:
Նրա առաջարկն ապահովված է 150 միլիարդ եվրոյի վարկերով՝ առաջնահերթ ռազմական տեխնիկա գնելու համար։ Պաշտպանական ծախսերի մեծ մասը պետք է ստացվի ազգային բյուջեներից այն ժամանակ, երբ շատ երկրներ արդեն ծանրաբեռնված են պարտքերով:
