Վլադիմիր Զելենսկին կփորձի մոտեցնել դիրքորոշումներն ԱՄՆ ընտրված նախագահ Դոնալդ Թրամփի հետ, մինչև նա պաշտոնապես ստանձնի պաշտոնը՝ 2025 թվականի հունվարին։ Այս մասին հայտնում է իսպանական El País թերթը՝ հղում անելով Զելենսկու գրասենյակի աղբյուրներին։
Ըստ նրանց՝ սա Կիևի առաջնահերթությունն է առաջիկա շաբաթների ընթացքում։ Ըստ հրապարակման՝ Զելենսկին կարծում է, որ տարբերություն կա Թրամփի՝ որպես հանրապետական թեկնածուի ասածի և ԱՄՆ նախագահի պաշտոնում անելու միջև։ Կիևը դիվանագիտական հարձակում է սկսել՝ համոզելու Թրամփին, որ Ուկրաինային տրամադրվող ռազմական օգնությունը չի կարող կրճատվել, քանի որ վտանգի տակ է Միացյալ Նահանգների համաշխարհային առաջնորդությունը, պնդում է թերթը։
ԱՄՆ-ի ընտրությունների քվեարկությունն ավարտվել է նոյեմբերի 6-ի առավոտյան՝ Մոսկվայի ժամանակով։ Պաշտոնական արդյունքները դեռ չեն ամփոփվել, սակայն, ըստ ամերիկյան լրատվամիջոցների, Թրամփն արդեն հավաքել է մոտ 300 ընտրական ձայն՝ հաղթանակի համար անհրաժեշտ է 270-ը։ Նա ինքն իրեն արդեն հայտարարել է ԱՄՆ 47-րդ նախագահ։ Իշխող Դեմոկրատական կուսակցության թեկնածու Քամալա Հարիսն ընդունել է իր պարտությունը և հանրապետականին նշանակել ընտրված նախագահ։
