Չեխիայի նախագահ Պետր Պավելի հետ Պրահայում կայացած մամուլի ասուլիսում Զելենսկին ասել է, որ Ուկրաինան չի հավատում, որ Ռուսաստանը կպահպանի հայտարարված եռօրյա հրադադարը։
«Ցավոք, մենք հասկանում ենք, թե ովքեր են այդ հարևանները՝ Ռուսաստանը, և ինչի են նրանք պատրաստ անել՝ նախևառաջ իրենց պետության ներսում որոշակի արմատական քաղաքական դիվիդենտների համար», - հայտարարել է Զելենսկին՝ հիշեցնելով, որ Ռուսաստանի կողմից Զատկի օրը հայտարարված «հրադադարի» ժամանակ ռուսական զորքերը իրականացրել են ավելի քան 100 հարձակում։
Երկու կողմերն էլ միմյանց մեղադրել են ապրիլին Ռուսաստանի կողմից հայտարարված 30-ժամյա Զատկի զինադադարը խախտելու մեջ։
«Այսինքն՝ հավատ չկա, կարող են լինել սադրանքներ։ Բայց դա կախված է ռուսներից։ Եվ եթե ինչ-որ մեկը դեռ հավատում է նրանց, թող փորձի դա իր վրա», - ասել է Զելենսկին։
Ուկրաինայի նախագահը նախկինում հայտարարել էր, որ Կիևը պատրաստ է հրադադարի մայիսի 7-ից (կամ ցանկացած այլ օրից), բայց ոչ թե երեք, այլ 30 օրով։ Նա առաջին անգամ բացահայտորեն մերժել է Ռուսաստանի նախագահ Վլադիմիր Պուտինի կողմից երկուշաբթի՝ ապրիլի 28-ին, հայտարարված հրադադարի առաջարկը։
«Սա մեծ թատերական ներկայացում է», - մեկնաբանել է Զելենսկին եռօրյա զինադադարի գաղափարը։
