![Զբոսաշրջիկն ասում է՝ լավ տեղ է, բայց չկարողաց...](/imgs/posts/medium/2024/07/bccd6ca.jpeg)
Նիկոլ Փաշինյանը «Զվարթնոց» պատմամշակութային արգելոց-թանգարան այցի ժամանակ առաջարկել է այնտեղ վաճառել սուրճ, արևից պաշտպանող գլխարկ, ջուր:
«Սա հսկայական տարածք է, ոչ մի բան չի խանգարի, եթե մենք, օրինակ, մրցույթ հայտարարենք ու այդ գործով զբաղվող պրոֆեսիոնալ ընկերություններին առաջարկենք որ այդպիսի բան ունենանք այստեղ՝ առանց խաթարելու պատմամշակութային հուշարձանի տրամաբանությունը»,- ասաց նա:
Փաշինյանի խոսքով՝ դա նաև զբոսաշրջիկներ կբերի:
«Հիմա տուրիստը մտածում է՝ հա, լավ տպավորիչ տեղ էր, բայց չկարողացանք ջուր առնեինք, արևից պաշտպանող գլխարկ էինք ուզում վերցնել, չկար, պարզվեց պետք է գնայինք կամ Էջմիածին, կամ Երևան: Չեմ ասում՝ սարքենք տոնավաճառ, բայց հաճախորդի համար հարմարավետ պայման պետ է ստեղծենք»,- ասաց նա: