Երեկ ընդդիմության առաջնորդը Հանրային հեռուստաընկերության եթերում հայտարարեց, թե ՀՀ-ն նոյեմբերի 9-ի հայտարարությամբ իբր «Զանգեզուրի միջանցքի» մասին պայմանավորվածություն է ձեռք բերել: Այս մասին խորհրդարանական ճեպազրույցների ժամանակ ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը:
«Դա ասաց այն ընդդիմության առաջնորդը, ում նարատիվները ամբողջությամբ հղում են արվում ադրբեջանական պահանջների վրա: Արձանագրենք, որ Ադրբեջանն է ասում, որ ՀՀ-ն նման պարտավորություն է վերցրել, ասում է ընդդիմությունը, ու ասում է ընդդիմության առաջնորդությունը ստանձած «գողական» եկեղեցականը: Սա խեղկատակություն է, տվյալ անձնավորությունը ապազգային, հակապետական գործունեություն է վարում»,- ասաց Հովհաննիսյանը:
Ծովինար Վարդանյանն էլ ավելացրեց, որ ընդդմությունը ստանձնել է Ադրբեջանի խոսնակի դերը:
Լրագրողի հարցին՝ վստահ են, որ խաղաղության պայմանագրի ստորագրումից Ադրբեջանը հարձակում չի գործի, Արթուր Հովհաննիսյանն ասաց.
«Ոչ, դուք վստա՞հ էիք, որ Ուկրաինայի անվտանգության հովանավոր Ռուսատանը չէր հարձակվի Ուկրաինայի վրա: Հարցեր եք տալիս, որոնց պատասխանները ոչ ոք չգիտի: Մենք անում ենք ամեն ինչ, որ ՀՀ-ն այս տարածաշրջանում ապրի խաղաղ»:
