Հայ ժողովրդի գերխնդիրն է անել հնարավորըամեն բան, որպեսզի Ղարաբաղի հայերը չզրկվեն ճակատագրով նախատեսված իրենց հայրենիքից։ Այս մասին հունվարի 17-ին կայացած Ազգային ժողովի նիստում հայտարարեց ԱԺ պաշտպանության եւ անվտանգության մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Անդրանիկ Քոչարյանը։
Նրա խոսքով՝ խաղաղության ամենահուսալի երաշխիքը ազգային ներուժի օգտագործումն է, ինչպես նաեւ ինքնապահովումը։
«Ղարաբաղցիները հազարավոր տարիներ ապրել են սեփական հողի վրա՝ Լեռնային Ղարաբաղում։ Նրանք սովոր են այս հողին... Մեր հիմնական խնդիրն այսօր ամեն ինչ անելն է, որպեսզի ղարաբաղցի հայերը չզրկվեն ճակատագրի կողմից իրենց համար նախատեսված հայրենիքից։ Այսօր Լեռնային Ղարաբաղի հայությունը պետք է զգա, որ մենակ չէ։ Քաղաքական բոլոր գործողություններից բացի, Լեռնային Ղարաբաղի քաղաքացին մի քանի կիլոմետր հեռավորության վրա գտնվող իր հայրենակիցներից պետք է հոգատարություն, սեր եւ աջակցելու պատրաստակամություն զգա։ Մենք պետք է հաղթահարենք անտարբերությունը, առաջնահերթ դարձնենք անկեղծությունը եւ հասնենք իսկական եղբայրության գաղափարին։ Հիմա մեզ մնում է այս ամենը ճիշտ հասկանալ եւ կամք դրսեւորել՝ չտրվելով ներքաղաքական եւ արտաքին քաղաքական որեւէ սադրանքների, հնարավորինս ճիշտ հաշվարկել բոլոր հնարավոր ռիսկերն ու հնարավորությունները եւ գործել միասին»,- ասաց Քոչարյանը։
Պատգամավորը համոզված է, որ յուրաքանչյուր հայ, անկախ բնակության վայրից եւ մասնագիտությունից, պետք է իմանա իր դերն ու նշանակությունը մարտունակ ազգային բանակի ձեւավորման գործում։
