Հայաստանում Ղարաբաղի հարցով հատուկ ծրագիր է իրականացվում: Այս մասին Հայաստանի Ազգային ժողովի արտահերթ նիստին ասաց «Բարգավաճ Հայաստան» կուսակցության պատգամավոր Միքայել Մելքումյանը:
Ըստ նրա` այդ ծրագիրն իրականացվում է երկրի բարձրագույն քաղաքական ղեկավարության կողմից, իսկ իշխող «Իմ քայլը» դաշինքը խորհրդարանում դրա իրականացման վրա ինչ-որ կերպ ազդելու հնարավորություն չունի:
«Ձեզանից ոչ ոք չի ասում, որ պատերազմում պարտվելուց հետո պետք է հեռանալ: Ո՞ւր է ձեր տղամարդկային հպարտությունը: Դավաճանական սխալներ թույլ տալով` դուք հնարավոր բոլոր եղանակներով փորձում եք դուրս գալ ձեր ստեղծած իրավիճակից: Փորձեք դուրս գալ, եւ կտեսնենք, թե ինչ կստացվի դրանից»,- ասաց պատգամավորը` նշելով, որ ներկայիս քաղաքական ղեկավարությունը երկիրը դեպի փլուզում է տանում, եւ առաջիկա ամիսներին կենսաթոշակների եւ աշխատավարձերի վճարման խնդիր է առաջանալու:
Ըստ քաղաքական գործչի` երկրում ներդրումներ նույնպես չեն լինի, քանի որ ոչ ոք ներդրումներ չի կատարի այսպիսի կառավարության օրոք: Ավելին, ըստ նրա, վերջին 2.5 տարվա ընթացքում հարկային եկամուտներն աճել են 335 միլիարդ դրամով, իսկ կապիտալ ծախսերի ծավալը չի գերազանցում 50 միլիարդ դրամը:
«Իշխանությունները ցանկանում են երկիր բերել թուրքական կապիտալը, բայց դա էլ չի լինի»,- ասաց Մելքումյանը:
Նա արձանագրեց, որ «Բարգավաճ Հայաստան» կուսակցությունը, լինելով իշխող կոալիցիայում, երբեք հողեր չի հանձնել կամ կապիտուլյացիոն հայտարարություններ չի ստորագրել:
